Maria, Mapag-ampon sa mga Kristiyano

Si Maria, Mapag-ampon sa mga Kristiyano, ay isang titulo ng Mahal na Birheng Maria bilang tagapagtanggol at makapangyarihang tagapamagitan ng mga Kristiyano. Lalo itong sumikat matapos iugnay ni Papa Pio V ang tagumpay sa Labanan sa Lepanto sa kanyang tulong. Pinalaganap ni San Juan Bosco ang debosyon kay Maria sa titulong ito at nagtayo ng Basilika ng Maria, Mapag-ampon sa mga Kristiyano sa Turin. Madalas syang lapitan ng mga Katoliko sa oras ng panganib o hirap. Siya’y patrona ng mga Salesian at maraming katolikong pamayanan.